کوئی سرکاری ملازم تو نہیں جو مجھے شوکاز ملا: پرویز خٹک

سابق پی ٹی آئی رہنما، بزرگ سیاستداں پرویز خٹک نے شکوہ کیا ہے کہ میں کوئی سرکاری ملازم تو نہیں جو مجھے شوکاز ملا ہے۔

نوشہرہ میں میڈیا سے گفتگو کرتے ہوئے انہوں نے کہا کہ میں نے ہمیشہ عوامی سیاست کی ہے۔

پرویز خٹک کا کہنا ہے کہ ہماری صوبے کی اپنی روایات ہیں، ہم سیاست میں دشمنی نہیں کرتے۔

پریس کانفرنس کے دوران پرویز خٹک نے پی ٹی آئی (خیبر پختونخوا) کی صدارت چھوڑنے کا اعلان کیا۔

ان کا مزید کہنا ہے کہ پاک فوج ایک منظم ادارہ ہے جو ملک کی جغرافیائی سرحدوں کی محافظ ہے۔

سابق وفاقی وزیر نے یہ بھی کہا کہ ساتھیوں سے مشاورت کے بعد بہت جلد ائحہ عمل کا اعلان کروں گا۔

بشکریہ جنگ