عید کےدوسرے روز قربانی کے جانوروں کی قیمتیں گرگئیں

عید کے دوسرے روز قربانی کے جانوروں کی قیمتیں گرگئیں، بچے کچے جانور بیچ کر بیوپاری آبائی علاقوں کو واپس جانے کی تیاری کرنے لگے۔

عید کے پہلے روز منہ مانگے ریٹ مانگنے والے قصائیوں کے بھرم بھی ختم ہوگئے، جو رقم ملے، لے کر جانور گرانے پر تیار ہیں۔

رانیں روسٹ کرنیوالوں کا کاروبار عید کے دوسرے روز بھی چمکنے کا امکان ہے۔

اس سے قبل عید کے پہلے دن رات کے پروگرام، تکہ بوٹی، باربی کیو، کڑاہی، بیف بریانی، مٹن بریانی، کباب، چانپیں اور مزے مزے کے پکوانوں کا اہتمام کیا گیا۔

کسی نے میزبان بن کر کھلایا، کسی نے مہمان بن کر کھایا، کوئی پکوان سینٹر سے مزیدار تکہ بوٹی بنوانے پہنچا تو کسی نے گھر کی چھت پر یار دوستوں کی محفل سجائی تھی۔

بشکریہ جنگ