سپریم کورٹ کا بینچ ٹوٹنے پر اعتزاز احسن نے کیا مطالبہ کر دیا؟

سینئر وکیل اعتزاز احسن نے سویلینز کے فوجی عدالتوں میں ٹرائل کے خلاف کیس سننے والا سپریم کورٹ آف پاکستان کا بینچ ٹوٹنے کے بعد اپنی خواہشات کا اظہار کر دیا۔

اعتزاز احسن نے مطالبہ کیا ہے کہ سپریم کورٹ الیکشن کا فیصلہ ماننے کے بجائے عدالت پر بہتان بازی کرنے والوں کو نا اہل کرے۔

انہوں نے مزید مطالبہ کیا کہ سب پر5، 5 کروڑ روپے کے جرمانے کیے جائیں۔

فوجی عدالتوں میں سویلینز کے ٹرائل کے خلاف درخواستوں پر سماعت کے دوران چیف جسٹس عمر عطا بندیال نے اٹارنی جنرل منصور عثمان اعوان پر برہمی کا اظہار کرتے ہوئے کہا کہ آپ ایک اعلیٰ درجے کے وکیل ہیں۔

اعتزاز احسن کا یہ بھی کہنا ہے کہ فیصلے کے خلاف بیان بازی کرنے والے سب افراد کو توہینِ عدالت کی سزا دی جائے۔

واضح رہے کہ سویلینز کے فوجی عدالتوں میں ٹرائل کے خلاف کیس سننے والا سپریم کورٹ آف پاکستان کا بینچ اس وقت ٹوٹ گیا جب جسٹس منصور علی شاہ نے حکومت کے اعتراض پر بینچ سے خود کو الگ کر لیا تھا۔

بشکریہ جنگ