کوئٹہ میں بارش کے بعد بجلی کا بریک ڈاؤن، بیشتر حصہ تاریکی میں ڈوب گیا
کوئٹہ میں ہلکی بارش کے بعد موسم تو خوشگوار ہوگیا تاہم بارش کے بعد بجلی کے بریک ڈاؤن سے شہر کا بیشتر حصہ تاریکی میں ڈوب گیا۔
بلوچستان کے صوبائی دارالحکومت کوئٹہ اور گرد و نواح میں شام کے وقت گرد آلود ہواؤں کے ساتھ بارش ہوئی۔ بارش کے بعد گرمی کا زور تو ٹوٹ گیا، تاہم بارش کے بعد بجلی کا بریک ڈاؤن ہوگیا اور شہر کا بیشتر حصہ تاریکی میں ڈوب گیا۔
دوسری جانب کوئٹہ الیکٹرک سپلائی کمپنی (کیسکو) حکام کے مطابق بارش کے بعد شہر کے مختلف علاقوں میں 20 سے زائد فیڈرز فنی خرابی کے باعث بند ہوگئے ہیں، خرابی دور کرنے کےلیے مرمت کا کام جاری ہے۔
بشکریہ جنگ
Comments are closed.