ایران کے وزیر خارجہ حسین امیر عبداللہیان کا دورۂ قطر اور اومان

ایران کے وزیر خارجہ حسین امیر عبداللہیان نے قطر اور اومان کا دورہ کیا۔

دوحہ میں ان کی ملاقات قطری امیر شیخ تمیم سے ہوئی جس میں دو طرفہ تعلقات پر بات چیت کی گئی۔

شیخ تمیم نے ایران اور قطر کے درمیان مضبوط تعلقات کو سراہا اور کہا کہ معاشی شعبے میں تعلقات کو مزید مستحکم کرنے کی ضرورت ہے۔

دونوں شخصیات نے شعبہ ٹرانسپورٹ میں تعاون بالخصوص میری ٹائم سیکٹر میں ٹرانسپورٹیشن پر بات چیت کی۔

ایرانی وزیر خارجہ نے دونوں اقوام کے درمیان سیاسی تعلقات کو شاندار قرار دیا اور کہا کہ دو طرفہ تجارتی تعلقات کو دوستانہ ہونا چاہیے۔

قطر اور متحدہ عرب امارات (یو اے ای) کے درمیان سفارتی تعلقات بحال ہو گئے جس کا سعودی عرب کی جانب سے خیر مقدم کیا گیا ہے۔

ان کا دورہ ایسے موقع پر ہوا جب ایران قطر مشترکہ معاشی کمیشن کا اجلاس بھی ہونا ہے۔

عبداللہیان نے علاقائی تنازعات کے حل کیلئے قطر کی حالیہ کوششوں کو بھی سراہا اور علاقائی سلامتی، استحکام اور امن کیلئے دونوں ممالک میں تعاون کی اہمیت پر بھی زور دیا۔

بعد ازاں ایرانی وزیر خارجہ عبداللہیان اور ان کا وفد اومان کے دارالحکومت مسقط گیا جہاں ان کی ملاقات یمن کے حوثی باغیوں کے مرکزی مذاکرات کار محمد عبدالسلام سے ہوئی۔

عبداللہیان نے اپنی اومانی ہم منصب سید بدرالبوسیدی سے بھی ملاقات کی۔

بشکریہ جنگ