یونان میں تارکین وطن کی کشتی ڈوبنے کے واقعے میں درجنوں پاکستانیوں کی موت کا خدشہ ہے۔ اب تک صوبہ پنجاب کے گوجرانوالہ ریجن سے 24 افراد جبکہ پاکستان کے زیر انتظام کشمیر کی میرپور ڈویژن سے 21 افراد کے لاپتہ ہونے کی تصدیق ہوئی ہے۔

گذشتہ بدھ کو تارکین وطن کی کشتی ڈوبنے کے واقعے میں اب تک کم از کم 78 افراد کی ہلاکتوں کی تصدیق ہوئی ہے تاہم اقوام متحدہ کا کہنا ہے کہ ابھی تک کم از کم 500 متاثرین لاپتہ ہیں۔