صوبۂ سرائیکستان کیلئے سیاسی جماعتوں کا اکٹھا ہونا بڑی کامیابی ہے: یوسف رضا گیلانی

سابق وزیرِ اعظم و پی پی رہنما یوسف رضا گیلانی نے کہا ہے کہ سرائیکستان صوبے کے لیے تمام سیاسی جماعتوں کا اکٹھا ہونا بڑی کامیابی ہے۔

ملتان میں تقریب سے خطاب کرتے ہوئے  انہوں نے کہا کہ آصف زرداری نے سرائیکستان کی محرومیوں پر آواز بلند کی۔

یوسف رضا گیلانی کا کہنا ہے کہ سرائیکستان پر میری جماعت نے میری مکمل حمایت کی۔

انہوں نے کہا کہ میں نے اپنے دور میں پنجاب اسمبلی اور قومی اسمبلی سے قرار داد منظور کرائی۔

سابق وزیرِ اعظم نے کہا کہ کمیشن نے فیصلہ کیا کہ ایک صوبہ بن سکتا ہے، اس بات پر جھگڑا ہو گیا کہ صوبے کا نام بہاولپور ہو۔

ان کا کہنا ہے کہ پاکستان تحریکِ انصاف (پی ٹی آئی) کے دور میں کبھی کہا بہاول پور صوبہ بنے گا، کبھی کہا ملتان بنے گا، عثمان بزدار نے کہا کہ مجھ سے ایک دکان لے کر اس میں سیکریٹریٹ بنا لو۔

بشکریہ جنگ