اعظم خان کی گمشدگی سے متعلق اسلام آباد پولیس کا بیان سامنے آگیا

سابق وزیراعظم اور پی ٹی آئی چیئرمین کے سابق پرنسپل سیکریٹری اعظم خان کی گمشدگی کے حوالے سے اسلام آباد پولیس کا بیان سامنے آگیا۔

ترجمان اسلام آباد پولیس کا کہنا ہے کہ اعظم خان کی گمشدگی کے حوالے سے قانونی کارروائی عمل میں لائیں گے۔

اسلام آباد پولیس نے کہا کہ اعظم خان کی گمشدگی سے متعلق درخواست دہندہ متعلقہ تھانہ سے رابطہ کرے تاکہ قانونی کارروائی کی جا سکے۔

واضح رہے کہ اعظم خان کی گمشدگی سے متعلق ان  کے اہلخانہ کی جانب سے تھانہ کوہسار میں دی گئی درخواست میں کہا گیا ہے کہ اعظم خان کل شام کو گھر سے نکلے، لیکن اس کے بعد واپس نہیں آئے۔

درخواست اعظم خان کے بھتیجے کی طرف سے دی گئی ہے، جس میں کہا گیا ہے کہ اعظم خان کا موبائل نمبر بھی بند ہے۔

بشکریہ جنگ