جمعرات 25؍ذیقعد 1444ھ15؍جون 2023ء

بلاول کی مرتضیٰ وہاب کو میئر کراچی بننے پر مبارک باد

چیئرمین پیپلز پارٹی بلاول بھٹو زرداری نے مرتضیٰ وہاب کو میئر کراچی اور سلمان عبداللّٰہ مراد کو ڈپٹی میئر منتخب ہونے پر مبارک باد دی ہے۔

جاری کیے گئے بیان میں چیئرمین پیپلز پارٹی بلاول بھٹو زرداری نے میئر کراچی جیالا منتخب ہونے پر اپنے ردِعمل کا اظہار کرتے ہوئے کہا ہے کہ آج پیپلز پارٹی کو تاریخی کامیابی ملی ہے، یہ کامیابی پورے پاکستان کی فتح ہے۔

ان کا کہنا ہے کہ یہ کامیابی کراچی کے جیالوں کی طویل جدوجہد اور قربانیوں کا ثمر ہے، ملک کے معاشی حب میں نفرت اور تقسیم کی سیاست اپنے منطقی انجام کو پہنچی۔

پیپلز پارٹی کے مرتضیٰ وہاب میئر کراچی منتخب ہو گئے۔

چیئرمین پیپلز پارٹی بلاول بھٹو زرداری نے کہا کہ جمہوریت بہترین انتقام ہے، شہرِ قائد کو حقیقی معنوں میں عروس البلاد بنائیں گے۔

انہوں نے مزید کہا ہے کہ کراچی اب ترقی، امن اور بھائی چارے کا گہوارہ بنے گا، کراچی کی ہر گلی، محلے اور علاقے کے بلدیاتی مسائل بلا امتیاز حل کریں گے۔

بلاول بھٹو زرداری کا یہ بھی کہنا ہے کہ مجھے یقین ہے کہ ماضی میں کٹھن ترین حالات کا مقابلہ کرنے والے جیالے اس مرتبہ بھی سرخرو ہوں گے۔

بشکریہ جنگ
You might also like

Comments are closed.