22 ہزار 260 افراد کو محفوظ مقامات پر منتقل کردیا، شرجیل میمن

وزیر اطلاعات سندھ شرجیل میمن نے کہا ہے کہ طوفان بپرجوائے کے خدشے کے پیش نظر ساحلی پٹی سے تقریباً 6 ہزار خاندانوں کے کل 22 ہزار 260 افراد محفوظ مقامات پر منتقل کردیے ہیں۔

ایک بیان میں شرجیل میمن نے کہا کہ ضلع ٹھٹھہ سے 4 ہزار، بدین سے 17 ہزار 320، سجاول سے 4 ہزار 727 افراد محفوظ مقامات پر منتقل کیے گئے ہیں۔

صوبائی وزیر نے مزید کہا کہ تحصیل کیٹی بندر سے 3 ہزار، تحصیل گھوڑا باری سے 1 ہزار افراد کو محفوظ مقام پر منتقل کیا گیا۔

اُن کا کہنا تھا کہ تحصیل شہید فاضل راہو سے 14 ہزار 310، تحصیل بدین سے 3 ہزار 10 افراد محفوظ مقامات پر منتقل کیے گئے۔

شرجیل میمن نے یہ بھی کہا کہ تحصیل جاتی سے1 ہزار 727، تحصیل کھاروچھان سے 3 ہزار افراد محفوظ مقامات پر منتقل کیے گئے۔

انہوں نے کہا کہ کیٹی بندر میں 7 ، گھوڑا باری میں 3 ، شہید فاضل راہو میں 10، سجاول میں 4 اور بدین میں 3 ریلیف کیمپس قائم کیے گئے ہیں۔

بشکریہ جنگ