پی ایم ڈی سی کا اجلاس، ایم ڈی کیٹ ٹیسٹ 27 اگست لینے کا فیصلہ

پاکستان میڈیکل اینڈ ڈینٹل کونسل (پی ایم ڈی سی) نے 27 اگست کو ایم ڈی کیٹ کا ٹیسٹ لینے کا فیصلہ کیا ہے۔ اس بات کی منظوری اتوار کو پی ایم ڈی سی کے اجلاس میں دی گئی جس کی صدارت پی ایم ڈی سی کے صدر نے کی۔

اجلاس کے دوران کونسل کی طرف سے نیشنل رجسٹریشن امتحان، میڈیکل ڈینٹل ایڈمیشن ایگزامینیشن (MDCAT) اور دیگر معاملات (تقریباً 20 ایجنڈا آئٹمز) سے متعلق امور پر تبادلہ خیال کیا گیا۔

کونسل نے MDCAT سے متعلق سب سے اہم ایجنڈا لینے کا فیصلہ کیا اور 27 اگست 2023 کو امتحان منعقد کرنے کی تجویز دی۔ 

کونسل نے فیصلہ کیا کہ MDCAT کا نصاب پچھلے سال کے امتحان جیسا ہی رہے گا۔ کونسل نے تمام صوبائی سیکریٹریز کو مذکورہ امتحان کی تیاری شروع کرنے کی ہدایت کی، یہ فیصلہ طلباء کے وسیع تر مفاد کو مدنظر رکھتے ہوئے کیا گیا۔

اس موقع پر بتایا گیا کہ گزشتہ سال تقریباً 2 لاکھ 4 ہزار 259 طلبہ نے امتحانات میں شرکت کی تھی۔ تخمینے کے مطابق اس سال 2 لاکھ 10 ہزار طلباء کے امتحانات میں شریک ہونے کا امکان ہے جس سے نظام کو مزید شفاف اور میرٹ پر مبنی بنانے کےلیے پبلک سیکٹر میڈیکل یونیورسٹیاں چاروں صوبوں سے آئی سی ٹی دوبارہ صوبائی نصاب کے مطابق امتحانات دیں گی۔

کونسل نے اس بات پر زور دیا کہ امتحانات سے پہلے تمام اسٹیک ہولڈرز کو آن بورڈ لیا جائے گا۔ پبلک میڈیکل یونیورسٹیوں کے امتحانی شعبے امتحانات کی رازداری کو یقینی بنانے کے لیے اس سال میرٹ پر سمجھوتہ کیے بغیر طلبہ کی آسانی کے لیے MDCAT پیپر مشکل انڈیکس کو بھی مدنظر رکھا جائے گا۔ تاکہ اس بات کو یقینی بنایا جا سکے کہ تمام صوبے طلبہ کو بغیر کسی پریشانی کے امتحانات کا انعقاد کریں۔ 

اجلاس میں پروفیسر ڈاکٹر امجد سراج میمن، پروفیسر ڈاکٹر محمد زبیر خان، جواد امین خان، بیرسٹر چوہدری سلطان منصور، نور الحق، ڈاکٹر محمود اورنگزیب، پروفیسر ڈاکٹر تہمینہ اسد، لیفٹیننٹ جنرل محسن قریشی سرجن جنرل، پروفیسر ڈاکٹر محمد شعیب شفیع سیکرٹری صحت وزارت این ایچ آر ایس اینڈ سی اور تمام صوبائی سیکریٹریز اور نامزد افراد نے شرکت کی۔

بشکریہ جنگ