پی ٹی آئی کے سابق رہنماؤں کا اجلاس طلب، وقت اور مقام پوشیدہ

پنجاب کے سابق وزیر داخلہ ہاشم ڈوگر نے کہا ہے کہ تحریک انصاف کے سابق رہنماؤں اور ٹکٹ ہولڈرز کا اجلاس بلایا ہے۔

ہاشم ڈوگر نے کہا ہے کہ اجلاس کے مقام اور وقت کو پوشیدہ رکھا جا رہا ہے، پی ٹی آئی کے 35 سے زائد سابق رہنما اور ٹکٹ ہولڈرز اجلاس میں شریک ہوں گے۔

انہوں نے کہا کہ اجلاس کے بعد پریس کانفرنس میں لائحہ عمل کا اعلان کریں گے۔

ہاشم ڈوگر نے کہا کہ اجلاس میں نئے گروپ کی تشکیل پر مشاورت ہوگی۔

واضح رہے کہ گزشتہ ماہ ہاشم ڈوگر اور ان کے ساتھیوں نے پاکستان تحریک انصاف کو چھوڑنے کا اعلان کیا تھا۔

بشکریہ جنگ