بل گیٹس کی بیٹی جینیفر گیٹس نے ماسٹرز کی ڈگری حاصل کرلی
مائیکرو سافٹ کے بانی اور دنیا کے امیر ترین افراد میں سے ایک شخصیت بل گیٹس کی بیٹی جینیفر گیٹس نے ماسٹرز کی ڈگری حاصل کر لی ہے۔
بیٹی کی گریجویشن کے اس خوشی کے موقع پر بل گیٹس اور اُن کی سابقہ اہلیہ میلنڈا فرینچ گیٹس کو ایک ساتھ دیکھا گیا۔
جینیفر گیٹس نے اپنے سوشل میڈیا اکاؤنٹ انسٹاگرام پر ایک فیملی فوٹو شیئر کی ہے۔
اس تصویر میں اُن کے والد بل گیٹس اور والدہ میلنڈا فرینچ گیٹ کو بھی خوشگوار موڈ میں اُن کے ساتھ کھڑے دیکھا جا سکتا ہے۔
27 سالہ جینیفر نے اپنی اس پوسٹ میں شکریہ ادا کرتے ہوئے بتایا ہے کہ انہوں نے ’پبلک ہیلتھ‘ میں ماسٹر کی ڈگری حاصل کر لی ہے۔
واضح رہے کہ بل گیٹس کی بیٹی جینیفر نے پبلک ہیلتھ کے شعبے میں کولمبیا یونیورسٹی سے اپنی ماسٹر کی ڈگری مکمل کی ہے۔
جینیفر گیٹس کے ہاں گزشتہ ماہ بیٹی کی پیدائش ہوئی تھی۔
بشکریہ جنگ
Comments are closed.