بھارت: امرتسر میں گولڈن ٹیمپل کے قریب ایک ہفتے میں تیسرا دھماکا

بھارتی پنجاب کے شہر امرتسر میں گولڈن ٹیمپل کے قریب ایک ہفتے کے دوران تیسرا دھماکا ہو گیا۔

بھارتی پولیس کے مطابق رات گئے ہونے والے دھماکے میں کوئی شخص زخمی نہیں ہوا۔

پولیس کا کہنا ہے کہ دھماکے کی وجہ واضح نہیں ہو سکی ہے تاہم علاقے کو سیل کر دیا گیا ہے اور فرانزک ٹیم دھماکے کے مقام پر موجود ہے۔

بھارتی میڈیا کے مطابق پولیس نے 5 افراد کو گرفتار کیا ہے لیکن مزید تفصیل فراہم نہیں کی گئی۔

میڈیا رپورٹس کے مطابق اس سے قبل ہونے والے دو دھماکوں کی وجوہات بھی ابھی تک سامنے نہیں آئی ہیں۔

بشکریہ جنگ