مریم اورنگزیب کا عمران خان کے بیان پر ردعمل

وفاقی وزیر اطلاعات مریم اورنگزیب نے تحریک انصاف کے چیئرمین عمران خان کے بیان پر ردعمل دیا ہے۔

مریم اورنگزیب نے کہا ہے کہ تم نے کہا امریکا کو تمہارے خلاف باجوہ نے کیا، تم نے کہا کہ تمہاری حکومت کے خلاف سازش امریکا نے کی۔

وفاقی وزیر نے کہا کہ اگر باجوہ نے امریکا کو تمہارے خلاف کیا تو پھر سائفر کیا تھا۔

اپنے ویڈیو بیان میں سابق وزیراعظم کا کہنا تھا کہ جنرل باجوہ اور شہباز شریف کا سمجھوتہ تھا اور نواز شریف اس کے خلاف اڑ گیا۔

واضح رہے کہ عمران خان ماضی میں اپنی حکومت ختم کرنے کا الزام سابق آرمی چیف جنرل باجوہ پر لگا چکے ہیں۔

بشکریہ جنگ