نگراں وزیرِ اعلیٰ پنجاب محسن نقوی چوہدری شجاعت کے گھر پہنچ گئے

نگراں وزیرِ اعلیٰ پنجاب محسن نقوی پاکستان مسلم لیگ ق کے سربراہ چوہد ری شجاعت حسین کی رہائش گاہ پہنچ گئے۔

اس موقع پر پنجاب کے نگراں وزیرِ اعلیٰ محسن نقوی نے سالک حسین کی خیریت دریافت کی۔

انہوں نے سالک حسین اور شافع حسین سے ان کی رہائش گاہ پر پیش آنے والے واقعے کی تفصیلات حاصل کیں۔

نگراں وزیرِ اعلیٰ پنجاب محسن نقوی نے پولیس کے چوہدری شجاعت حسین کے گھر پر دھاوا بولنے پر افسوس کا اظہار کیا ہے۔

نگراں وزیرِ اعلیٰ پنجاب محسن نقوی نے کہا کہ چوہدری شجاعت حسین کی رہائش گاہ پر پیش آئے واقعے پر معذرت خواہ ہوں۔

انہوں نے بتایا کہ ہم عمرے کی ادائیگی کے لیے سعودی عرب گئے تھے، اطلاع ملتے ہی فوری تفصیلات حاصل کیں اور انکوائری کا حکم دیا۔

نگراں وزیرِ اعلیٰ پنجاب محسن نقوی نے یہ بھی کہا کہ تحقیقات میں ذمے داران کا تعین ہو گا اور بلا امتیاز کارروائی کی جائے گی، قانون سب کے لیے برابر ہے۔

بشکریہ جنگ