ڈیرہ غازی خان: ننھے بہادر بچے نے موٹر سائیکل چھیننے کی کوشش ناکام بنا دی

ڈیرہ غازی خان میں کم عمر بہادر لڑکے نے موٹر سائیکل چھیننے کی کوشش ناکام بنا دی، واقعے کی فوٹیج وائرل ہو گئی۔

ڈی جی خان کے علاقے خیابانِ سرور میں ننھے بچے سے موٹر سائیکل چھیننے کی کوشش کا واقعہ 2 دن قبل پیش آیا۔

واقعے کی سی سی ٹی وی فوٹیج میں دیکھا جا سکتا ہے کہ شازل نامی لڑکے سے 2 مسلح افراد موٹر سائیکل چھین لیتے ہیں۔

اس دوران لڑکا گھر کی جانب بھاگنے کی کوشش کرتا ہے اور شور مچاتا ہے، جس کے شور مچانے پر ڈاکو موٹر سائیکل چھوڑ کر فرار ہو جاتے ہیں۔

پولیس کا کہنا ہے کہ مدعی سامنے نہیں آنا چاہتے، ویڈیو کی مدد سے ملزمان کی تلاش جاری ہے۔

بشکریہ جنگ