سوڈانی فوج اور پیراملٹری فورسز ایک ہفتے کی جنگ بندی پر رضامند

سوڈان کی فوج اور پیراملٹری فورسز ایک ہفتے کی جنگ بندی پر رضامند ہوگئی ہے۔ 

اس حوالے سے پڑوسی ملک اور ماضی میں سوڈان کا حصہ رہنے والے جنوبی سوڈان کی وزارت خارجہ کی جانب سے جاری کیے گئے بیان میں کہا گیا ہے کہ سوڈانی آرمی چیف اور پیراملٹری فورسز کے سربراہ نے جنگ بندی پر اتفاق کیا ہے۔

جنوبی سوڈان کے دارالحکومت جبہ سے وزارت خارجہ کا کہنا ہے کہ سوڈان میں ایک ہفتے کی جنگ بندی 4  سے 11 مئی تک کی جائے گی۔ 

جنوبی سوڈان کی وزارت خارجہ کا مزید کہنا تھا کہ فریقین نے بات چیت کیلیے نمائندے مقرر کرنے پر بھی اتفاق کیا ہے۔

بشکریہ جنگ