کوہلی سے تلخ کلامی، افغان کرکٹر نے بھی انسٹا اسٹوری شیئر کردی

انڈین پریمیئر لیگ( آئی پی ایل) میں سابق بھارتی کپتان ویرات کوہلی سے  تلخ کلامی کے بعد لکھنؤ سپر جائنٹس کے فاسٹ بولر نوین الحق نے بھی انسٹاگرام پر اسٹوری شیئر کر دی۔

انسٹاگرام اسٹوری پر افغانستان کے کرکٹر نوین الحق نے لکھا کہ آپ کو وہی ملتا ہے جس کے آپ مستحق ہوتے ہیں۔

نوین الحق نے اپنی پوسٹ میں یہ بھی لکھا کہ ایسا ہی ہونا چاہیے اور ایسا ہی ہوتا ہے۔

واضح رہے کہ گزشتہ روز رائل چیلنجرز بنگلور اور لکھنؤ سپر جائنٹس کے درمیان ہونے والے میچ میں افغانستان کے فاسٹ بولر نوین الحق اور ویرات کوہلی کے درمیان دو مرتبہ تلخ جملوں کا تبادلہ ہوا تھا۔

انڈین پریمیئر لیگ( آئی پی ایل) میں سابق بھارتی کپتان ویرات کوہلی اور لکھنؤ سپر جائنٹس کے مینٹور گوتم گمبھیر کے درمیان شدید تلخ کلامی ہوگئی۔

اس کے علاوہ اس میچ کے دوران ویرات کوہلی اور گوتم گمبھیر کے درمیان شدید تلخ کلامی ہوئی تھی۔

میڈیا رپورٹس کے مطابق ویرات کوہلی نے لکھنؤ کے اوپنر کائل میئرز سے گفتگو کی تو گوتم گمبھیر سیخ پا ہو گئے۔

گوتم گمبھیر ویرات کوہلی کی طرف بڑھے تو دونوں ٹیموں کے کھلاڑیوں اور آفیشلز نے بیچ بچاؤ کرایا۔

بشکریہ جنگ