پی ٹی آئی ریلی اسلام آباد میں داخل نہیں ہوسکی
راولپنڈی میں پاکستان تحریک انصاف (پی ٹی آئی) کی یوم مزدور ریلی فیض آباد سے واپس لوٹ گئی ہے، ریلی اسلام آباد میں داخل نہیں ہوسکی۔
پی ٹی آئی نے آج یوم مزدور کی ریلی کو اسلام آباد لانے کا اعلان کیا تھا۔
ریلی فیض آباد سے پہلے ہی واپس صدر کی جانب مڑگئی، تحریک انصاف کی ریلی کا اختتام چاندنی چوک پر ہوگا۔
ذرائع کا کہنا ہے کہ پی ٹی آئی کی یوم مزدور ریلی کا روٹ انتظامیہ سے مشاورت کے بعد تبدیل کیا گیا۔
پی ٹی آئی رہنما علی نواز اعوان، عامر کیانی، واثق قیوم بھی اقبال پارک کے باہر پہنچے تھے۔
پی ٹی آئی کارکنوں کو اسلام آباد میں داخل ہونے سے روکنے کےلیے اسلام آباد کی طرف آنے والا راستہ فیض آباد پر کنٹینرز لگا کر بند کردیا گیا تھا۔
پولیس، ایف سی، رینجرز اور خواتین اہلکار بھی فیض آباد میں موجود تھے۔
بشکریہ جنگ
Comments are closed.