شعیب ملک نے طلاق کی خبروں پر خاموشی کیوں اختیار کی؟ وجہ سامنے آگئی

پاکستان کرکٹ ٹیم کے سابق کپتان شعیب ملک نے اہلیہ اور سابقہ بھارتی ٹینس اسٹار ثانیہ مرزا سے علیحدگی کی افواہوں پر خاموشی اختیار کرنے کی وجہ بتا تے ہوئے کہا کہ آج ایک سوال کا جواب دوں گا تو کل چار سوالات کے جواب دینے پڑیں گے۔

نجی چینل پر انٹرویو دیتے ہوئے قومی ٹیم کے سابق کپتان نے بتایا کہ یہ شادی سے پہلے ہی طے تھا کہ فیملی دبئی میں رہے گی جبکہ میری والدہ کو سیالکوٹ میں رہنا پسند ہے، اس لئے مجھے سفر کرنے میں دشواری پیش نہیں آتی۔

میزبان کے ایک سوال کے گزشتہ کچھ عرصے سے ان کی اور ثانیہ مرزا کی طلاق کی خبریں گردش کر رہی ہیں لیکن ان دونوں میں سے کسی نے بھی کبھی واضح موقف کیوں پیش نہیں کیا؟

میزبان کے سوال کے جواب میں شعیب ملک نے کہا کہ میں اپنا جواب دے سکتا ہوں اور وہ یہ ہے کہ اگر ہم ہر بات پر ردعمل دینے لگیں تو اپنی زندگی کب جئیں گے؟ آپ کی توجہ ہمیشہ بٹتی رہے گی۔

انہوں نے مزید کہا کہ میں کسی بھی اس سوال کا جواب کیوں دوں جو مجھے پریشان نہیں کر رہا، آج میں ایک سوال کا جواب دوں گا کل کو مجھے مزید چار نئے سوالات کا جواب دینا پڑے گا پھر بات وہیں آجاتی ہے میں اپنی زندگی کب جیئوں گا؟

خیال رہے کہ گزشتہ چند مہینوں نے سابقہ بھارتی ٹینس اسٹار ثانیہ مرزا اور قومی کھلاڑی شعیب ملک کے درمیان طلاق کی خبریں گردش کر رہی ہیں۔ جس پر دونوں نے تاہم باضابطہ طور پر کوئی بیان نہیں دیا ہے۔

بشکریہ جنگ