چوہدری سالک نے پرویز الہٰی کی گرفتاری کیلئے مارے گئے چھاپے کی روداد سنادی
مسلم لیگ (ق) کے سربراہ چوہدری شجاعت حسین کے صاحبزادے اور وفاقی وزیر چوہدری سالک حسین نے پرویز الہٰی کی گرفتاری کےلیے مارے گئے چھاپے کی روداد سنادی۔
جیو نیوز کے پروگرام ’نیا پاکستان‘ میں گفتگو کے دوران چوہدری سالک حسین نے بتایا کہ میں اپنے کمرے میں تھا، شور سن کر والد کے گھر کی طرف گیا، وہاں پہنچا تو دیکھا کہ دروازے کے شیشے ٹوٹے ہوئے تھے۔
انہوں نے کہا کہ پرویز الہٰی کی سالی، وکیل اور دیگر افراد وہاں کھڑے ہوئے تھے، جو پولیس کو کہہ رہے تھے کہ سابق وزیراعلیٰ پنجاب اسی گھر میں ہیں۔
وفاقی وزیر نے مزید کہا کہ حیرانی ہوئی کہ وہ پولیس اہلکاروں کو کہہ رہے تھے کہ دروازہ توڑیں، میرے اختیار میں بھی ہوتا تو بھی کبھی کسی کے خلاف یہ کام نہ کرواتا۔
ان کا کہنا تھا کہ مجھے کل رات کے واقعے میں چوٹ لگی، 7 ٹانکے لگے ہیں، مجھے وزیراعظم کی کال آئی انہوں نے اس معاملے پر افسوس کیا اور مذمت کی۔
چوہدری سالک حسین نے یہ بھی کہا کہ میں وزیراعظم سے بات کروں گا کہ وہ واقعے کی انکوائری کرانے کا اعلان کریں۔
Comments are closed.