سوڈان سے ایک ہزار 866 افراد کو لے کر بحری جہاز جدہ پہنچ گیا، پاکستانی بھی شامل

سوڈان سے ایک ہزار 866 افراد کو لے کر بحری جہاز جدہ پہنچ گیا، جدہ پہنچنے والوں میں پاکستانی شہری بھی شامل ہیں۔

سعودی وزارت خارجہ کا کہنا ہے کہ مملکت غیرملکی باشندوں کو وطن واپسی میں ہر ممکن مدد فراہم کررہی ہے۔

وزارت خاجہ کا مزید کہنا ہے کہ سوڈان سے اب تک 96 ممالک کے 4 ہزار 738 افراد کا انخلا کراچکے ہیں۔

سوڈان میں فوج اور پیرا ملٹری فورسز کے درمیان 15اپریل سے جاری کشیدگی میں اب تک 512 افراد ہلاک اور 4 ہزار سے زائد زخمی ہوچکے ہیں۔

بشکریہ جنگ