سری لنکا نے گال ٹیسٹ اور سیریز میں آئرلینڈ کو شکست دے دی

گال ٹیسٹ میں سری لنکا نے آئرلینڈ کو اننگز اور 10 رنز سے شکست دے کر 2 ٹیسٹ میچز کی سیریز 0-2 سے جیت لی۔

ٹیسٹ میچ کے آخری دن آئرش ٹیم اپنی دوسری اننگز میں 202 رنز بناکر آؤٹ ہوگئی، ہیری ٹکرز 85 رنز بناکر نمایاں بیٹر رہے جبکہ رمیش مینڈس نے 5 کھلاڑیوں کو آؤٹ کیا۔

اس میچ میں سری لنکا کے لیفٹ آرم اسپنر پربھاتھ جے سوریا نے اپنے کیریئر کے ساتویں ٹیسٹ میں 50 وکٹیں لے کر ویسٹ انڈیز کے سابق اسپنر آلف ویلنٹائن کا ریکارڈ توڑ دیا۔

ٹیسٹ کرکٹ میں تیز ترین 50 وکٹیں لینے کا اعزاز آسٹریلیا کے میڈیم پیسر چارلی ٹرنر پاس ہے، جنہوں نے 6 ٹیسٹ میں یہ کارنامہ انجام دیا تھا۔

بشکریہ جنگ