فخر زمان اور امام الحق نے اچھا آغاز کیا، بابر اعظم
قومی کرکٹ ٹیم کے کپتان بابر اعظم نے کہا ہے کہ فخر زمان اور امام الحق نے اچھا آغاز کیا۔
نیوزی لینڈ کے خلاف میچ میں کامیابی کے بعد پریس کانفرنس کرتے ہوئے بابر اعظم کا کہنا تھا کہ کوشش کرتے ہیں کہ بہتر سے بہتر پرفارم کریں۔
پلیئر آف دی میچ قرار دیے گئے بیٹر فخر زمان کا کہنا تھا کہ ہماری کوشش تھی اچھا میچ کھیلیں، سیریز کا اچھا آغاز کیا ہے۔
گزشتہ روز کھیلے گئے پہلے ون ڈے میچ میں پاکستان نے فخر زمان کی شاندار سنچری کی بدولت نیوزی لینڈ کو 5 وکٹوں سے شکست دیکر کامیابی حاصل کی۔
پاکستان نے نیوزی لینڈ کی جانب سے دیا گیا 289 رنز کا ہدف 5 وکٹوں کے نقصان پر 49 ویں اوور میں پورا کیا۔
دونوں ٹیموں کے درمیان پانچ ایک روزہ سیریز کا دوسرا ون ڈے میچ ہفتے کو کھیلا جائے گا۔
بشکریہ جنگ
Comments are closed.