پانچواں ٹی ٹوئنٹی، نیوزی لینڈ کا ٹاس جیت کر فیلڈنگ کا فیصلہ

سیریز کے آخری ٹی ٹوئنٹی میچ میں نیوزی لینڈ نے ٹاس جیت کر پہلے بولنگ کرنے کا فیصلہ کرلیا۔

راولپنڈی کے پنڈی کرکٹ اسٹیڈیم میں کھیلے جارہے اس میچ میں ٹاس کے موقع پر گفتگو کرتے ہوئے قومی ٹیم کے کپتان بابر اعظم کا کہنا تھا کہ 190 رنز کا ہدف دینے کی کوشش کریں گے۔

انہوں نے بتایا کہ ٹیم میں دو تبدیلیاں کی گئی ہیں جہاں زمان خان اور فخر زمان کی جگہ پر احسان اللّٰہ اور محمد حارث کو ٹیم میں شامل کیا ہے۔ 

مہمان ٹیم کے کپتان ٹام لیتھم نے کہا کہ اس پچ پر ہدف حاصل کرنا آسان ہوگا، ہم سیریز میں واپس آگئے تھے، پچھلا میچ بارش کی نذر ہوگیا۔

انہوں نے بتایا کہ انکی ٹیم میں بھی دو تبدیلیاں کی گئی ہیں جہاں کول میک کونچی اور میٹ ہینری کو ڈراپ کرکے جمی نیشم اور بلیئر ٹکنر کو شامل کیا گیا ہے۔

پاکستان کی ٹیم کپتان بابر اعظم، محمد رضوان، صائم ایوب، محمد حارث، افتخار احمد، عماد وسیم، شاداب خان، فہیم اشرف، شاہین شاہ آفریدی، حارث رؤف اور احسان اللّٰہ پر مشتمل ہے۔ 

نیوزی لینڈ کے ٹیم میں کپتان ٹام لیتھم، چیڈ بوس، ول ینگ، ڈیرل مچل، مارک چیپمین، جمی نیشم، رچن رویندرا، ایڈم ملن، بلیئر ٹکنر، اش سوڈھی اور ہینری شپلے شامل ہیں۔

بشکریہ جنگ