بیگمات، ساسوں کی پسند ناپسند کے فیصلوں سے فتنہ اور انتشار ہوگا، مریم نواز

پاکستان مسلم لیگ (ن) کی چیف آرگنائزر اور سینئر نائب صدر مریم نواز نے کہا ہے کہ جہاں فیصلے آئین اور قانون نہیں بلکہ بیگمات اور ساسوں کی پسند ناپسند پر ہو رہے ہوں، وہاں فتنہ اور انتشار ہوگا۔

اپنے بیان میں مریم نواز کا کہنا تھا کہ جہاں فیصلے آئین اور قانون نہیں بلکہ بیگمات، ساسوں کی پسند ناپسند پر ہو رہے ہوں وہاں تعمیر و ترقی صرف خواب رہے گی۔

آڈیو جب سوشل میڈیا پر سنی تو یقین ہوگیا کہ سازش گہری ہے، رہنما ن لیگ

مسلم لیگ (ن) کی چیف آرگنائزر نے کہا کہ پہلے بھی کہا تھا چیف جسٹس صاحب! یہ پاکستان کی عدلیہ ہے، جوئے لینڈ نہیں!۔

خیال رہے کہ چیف جسٹس پاکستان عمر عطاء بندیال کی ساس ماہ جبین نون کی مبینہ آڈیو سامنے آئی۔

اس آڈیو لیک میں ماہ جبین نون اور وکیل خواجہ طارق رحیم کی اہلیہ گفتگو کر رہی ہیں۔

آڈیو لیک: چیف جسٹس پاکستان عمر عطاء بندیال کی ساس کی مبینہ آڈیو سامنے آ گئی

بشکریہ جنگ