عمران خان کا اوورسیز پاکستانیوں سے مطالبہ

چیئرمین تحریک انصاف عمران خان نے اوورسیز پاکستانیوں سے مطالبہ کیا ہے کہ پاکستان میں انسانی حقوق کی پامالی کےخلاف آپ آواز اٹھائیں۔

عمران خان نے امریکی شہر ہیوسٹن میں پی ٹی آئی کے زیر اہتمام عید ملن پارٹی سے خطاب کے دوران کہا ہے کہ پاکستان ترقی کی راہ پر جا سکتا ہے کیوں کہ قوم میں شعور آ گیا ہے، چھوٹا سا مافیا کوشش کر رہا ہے کہ سب اس کے کنٹرول میں آ جائے،  یہ الیکشن سےبھاگ رہا ہے، آئین کی خلاف ورزی کر رہا ہے۔

انہوں نے اپنے خطاب کے دوران مزید کہا کہ  اِن کو خدشہ ہے کہ الیکشن ہو گئے تو ان کا ہمیشہ کے لیے خاتمہ ہوجائے گا۔

انہوں نے کہا کہ ہماری جمہوریت خطرے میں ہے، جمہوری حقوق کی خلاف ورزی کی جا رہی ہے۔

بشکریہ جنگ