بابر اعظم کی بیٹنگ کو سب انجوائے کرتے ہیں: حارث رؤف

پاکستان کرکٹ ٹیم کے فاسٹ بولر حارث رؤف نے کہا ہے کہ مجھ سمیت بابر اعظم کی بیٹنگ کو سب انجوائے کرتے ہیں۔

نیوزی لینڈ کے خلاف دوسرے ٹی ٹوئنٹی میچ میں کامیابی کے بعد گفتگو کرتے ہوئے حارث رؤف نے کہا کہ جس طرح بیک ٹو بیک وکٹیں گریں تو بابر اعظم نے مومنٹم برقرار رکھا، وہ اچھے کھلاڑی کے ساتھ بہترین کپتان بھی ہیں۔

انہوں نے کہا کہ میں نے اپنی انٹرنیشنل کرکٹ بابر اعظم کی کپتانی میں کھیلی، فیلڈ میں بھی وہ ہمیشہ سپورٹ کرتے ہیں۔

حارث رؤف نے کہا کہ میچ جیتنے پر سب سے پہلے اللّٰہ تعالیٰ کا شکر ادا کرتے ہیں، کوشش یہی ہے کہ جیت کے تسلسل کو برقرار رکھیں، بطور ٹیم بیک ٹو بیک میچ جیتنا کافی اچھی بات ہے۔

نیوزی لینڈ کے کرکٹر مارک چیپمین نے کہا ہے کہ ہم اب بھی سیریز میں واپسی کی صلاحیت رکھتے ہیں۔

فاسٹ بولر نے کہا کہ سب سے پہلے وکٹ کو ریڈ کیا اور سلو بال کرنے کی کوشش کی، وکٹ حاصل کرنے سے زیادہ کوشش ہوتی ہے کہ ڈاٹ بالز کروں۔

انہوں نے کہا کہ تیسرا اوور کرنے آیا تو وکٹ لینے کی کوشش کی اور کامیاب ہوا۔

بشکریہ جنگ