گیند لگنے کے بعد نجیب اللّٰہ سے سوری کہا، احسان اللّٰہ

پاکستان کرکٹ ٹیم کے فاسٹ بولر احسان اللّٰہ نے کہا ہے کہ گیند لگنے کے بعد نجیب اللّٰہ کے پاس گیا اور ان سے سوری کہا، اس نے کہا کوئی بات نہیں یہ کھیل کا حصہ ہے۔

لاہور میں میڈیا سے گفتگو کرتے ہوئے نوجوان فاسٹ بولر کا کہنا تھا کہ کوشش یہی ہے کہ جب بھی موقع ملے اپنی صلاحیت کے مطابق بولنگ کروں۔

انہوں نے بتایا کہ وہ لینتھ بال اور یارکر بالز پر محنت کر رہے ہیں جبکہ امید کا اظہار کیا کہ آئندہ میچز میں فرق نظر آئے گا۔

فاسٹ بولنگ سے متعلق ان کا یہ بھی کہنا تھا کہ شعیب اختر لیجنڈ ہیں، ان کا ریکارڈ کوئی نہیں توڑ سکتا۔ کوشش کرتا ہوں کہ تیز سے تیز گیند کروں۔

احسان اللّٰہ کا کہنا تھا کہ عمر گل کے ساتھ اچھی بولنگ کرنے کا ہنر سیکھ رہا ہوں۔ 

افغان کھلاڑی نجیب اللّٰہ کو گیند لگنے کے معاملے پر احسان اللّٰہ کا کہنا تھا کہ نجیب کو بال لگنے کے بعد ان کے پاس گیا اور پشتو میں سوری کیا، اس نے کہا کوئی بات نہیں یہ کھیل حصہ ہے۔

بشکریہ جنگ