پنجاب انتخابات، 10 اپریل تک الیکشن کمیشن کو فنڈز ملنے کے امکانات نہیں

پنجاب اسمبلی کے انتخابات کے لیے 10 اپریل تک الیکشن کمیشن کو فنڈز ملنے کے امکانات نہیں ہیں۔

حکومتی ذرائع کے مطابق 10 اپریل تک اقتصادی رابطہ کمیٹی کا کوئی اجلاس شیڈول نہیں ہے۔

ذرائع کا بتانا ہے کہ وزیرِ اعظم کے پاس سرکولیشن سمری سے فنڈ کی منظوری دینے کا آپشن ہے۔

دوسری جانب الیکشن کمیشن کے ترجمان کا کہنا ہے کہ الیکشن کمیشن کو ابھی تک کوئی رقم موصول نہیں ہوئی۔

واضح رہے کہ الیکشن کمیشن نے وفاقی حکومت سے پنجاب میں انتخابات کے لیے 21 ارب روپے مانگ رکھے ہیں۔

اسلام آباد پنجاب اور خیبرپختونخوا میں انتخابات…

سپریم کورٹ نے وزارت خزانہ کو 10اپریل تک فنڈز الیکشن کمیشن کو فراہمی کے احکامات دے رکھے ہیں۔ 

واضح رہے کہ 30 نومبر کو ای سی سی نے الیکشن کمیشن کی47 ارب کی ڈیمانڈ میں سے 15ارب کی منظوری دی تھی۔

ای سی سی کی طرف سے منظور کردہ 15 ارب روپے جنرل الیکشن کے لیے نہیں تھے۔

بشکریہ جنگ