کراچی ایئرپورٹ پر مسافر سے 15 کلو اسلحے کے پرزے برآمد

کراچی ایئرپورٹ پر بیرون ملک سے آنے والے مسافر سے 15 کلو گرام اسلحے کے پرزے برآمد ہوئے ہیں۔

ذرائع کے مطابق مسافر عدنان ہاشمی اپنے اہل خانہ کے ساتھ غیر ملکی پرواز سے استنبول سے کراچی پہنچا تھا۔

ذرائع کے مطابق اینٹی نارکوٹس فورس (اے این ایف) نے عدنان ہاشمی کے سامان کو شک کی بنیاد پر روکا، جسے چیک کیا تو سامان سے رائفل کے پرزے برآمد ہوئے۔

ذرائع کے مطابق مسافر سے برآمد ہونے والے رائفل کے پرزوں کا وزن 15 کلوگرام ہے، عدنان ہاشمی کے پاس رائفل کے پرزے لے جانے کےلیےاتھارٹی لیٹر نہیں۔

ذرائع کے مطابق کسٹم اسٹاف کے پاس حراستی رپورٹ درج کرائی گئی ہے، جبکہ مسافر سے تحقیقات جاری ہیں۔

بشکریہ جنگ