کراچی چڑیا گھر میں ہتھنی کی بیماری میں لاپرواہی برتنے پر سینئر ڈائریکٹر زو عہدے سے فارغ

کراچی کے چڑیا گھر میں ہتھنی نورجہاں کی بیماری کے معاملے میں لاپرواہی برتنے پر سینئر ڈائریکٹر زو خالد ہاشمی کو عہد ے سے ہٹادیا گیا۔

سینئر ڈائریکٹر کراچی چڑیا گھر خالد ہاشمی کو عہدے سے ہٹانے کا نوٹیفکیشن جاری کردیا گیا، خالد ہاشمی پر جانوروں کی دیکھ بھال نہ کرنے کا الزام ہے۔

گورنر سندھ نے ہتھنی کے آپریشن کے وقت خالد ہاشمی کی غیر موجودگی پر ناراضی کا اظہار کیا تھا۔

دوسری جانب خالد ہاشمی کا کہنا ہے کہ ایڈمنسٹریٹر کو بتا دیا کہ میری والدہ کی طبیعت ناساز ہے، اس لیے ہتھنی کے آپریشن کے وقت نہیں آ سکا۔

خالد ہاشمی نے کہا کہ ہتھنی کے علاج کیلئے بین الاقوامی ماہرین کو میں نے ہی پاکستان بلوایا اور علاج کروایا۔

بشکریہ جنگ