توڑ پھوڑ، تشدد کیس، عمران خان اور دیگر پی ٹی آئی رہنما تیسری مرتبہ جے آئی ٹی میں طلب
توڑ پھوڑ اور تشدد کے مقدمات کی تفتیش کے لیے مشترکہ تحقیقاتی ٹیم (جے آئی ٹی) نے عمران خان اور پی ٹی آئی کے دیگر رہنماؤں کو تیسری مرتبہ کل طلب کر لیا۔
ذرائع کے مطابق جے آئی ٹی نے عمران خان کو خود پیش ہو کر بیان ریکارڈ کرانے کا کہا ہے۔
ذرائع کا کہنا ہے کہ عمران خان سمیت پی ٹی آئی کے دیگر رہنما گزشتہ روز جے آئی ٹی کے سامنے پیش نہیں ہوئے تھے، کل پیش نہ ہونے پر جے آئی ٹی عدالت سے رہنماؤں کی ضمانتیں خارج کرنے کی استدعا کرے گی۔
ذرائع نے بتایا کہ جے آئی ٹی پولیس پر پتھراؤ، تشدد اور توڑ پھوڑ کے 10 مقدمات کی تفتیش کر رہی ہے۔
واضح رہے کہ پی ٹی آئی رہنماؤں کے خلاف مقدمات لاہور کے تھانہ ریس کورس، سول لائنز اور شادمان میں درج ہیں۔
بشکریہ جنگ
Comments are closed.