چیئرمین پی اے سی نے ایف آئی اے کی تعریف کیوں کی؟

چیئرمین پبلک اکاؤنٹس کمیٹی (پی اے سی) نور عالم خان نے ایف آئی اے کی تعریف کر دی۔

چیئرمین پی اے سی نورعالم خان کی زیرِ صدارت پبلک اکاؤنٹس کمیٹی کا اجلاس ہوا جس میں سیکریٹری داخلہ اور ڈی جی رینجرز کی عدم شرکت پر کمیٹی نے اظہارِ برہمی کیا۔

چیئرمین پی اے سی نور عالم خان نے اجلاس کے دوران ایف آئی اے کی تعریف کرتے ہوئے کہا کہ ایف آئی اے بہترین کام کر رہی ہے۔

رکن قومی اسمبلی نور عالم خان بلا مقابلہ پبلک اکاونٹس کمیٹی (پی اے سی) کے چیئرمین منتخب ہوگئے۔

انہوں نے مزید کہا کہ پیٹرولیم کمپنیوں کا کیس 2 ماہ پہلے ایف آئی اے کو بھجوایا تھا۔

نور عالم خان نے یہ بھی کہا کہ ایف آئی اے کو 5ارب روپے کی ری کوری کا ٹاسک دیا تھا، جن میں سے ساڑھے 4 ارب روپے ری کور ہو گئے۔

بشکریہ جنگ