ایرانی وزیر خارجہ کا سعودی ہم منصب سے ٹیلیفونک رابطہ

سعودی وزیر خارجہ شہزادہ فیصل بن فرحان سے ایرانی ہم منصب حسین امیر عبداللہیان نے ٹیلیفون پر رابطہ کیا ہے۔ 

ریاض سے سعودی میڈیا کے مطابق دونوں وزرائے خارجہ نے باہمی دلچسپی کے امور اور حالیہ سہ فریقی معاہدے کی روشنی میں اگلے اقدامات پر گفتگو کی۔

واضح رہے کہ گزشتہ مہینے سعودی عرب اور ایران نے سفارتی تعلقات دوبارہ بحال کرنے اور اپنے اپنے سفارتخانے اگلے دو ماہ کے اندر کھولنے پر اتفاق کیا تھا۔ 

سعودی میڈیا کے مطابق یہ اقدام دونوں ممالک کے درمیان کئی سالوں کی کشیدگی کے بعد سامنے آیا تھا۔ 

سعودی میڈیا کے مطابق سعودی عرب اور ایران کے درمیان معاہدہ چین نے کروایا ہے۔

بشکریہ جنگ