بیٹی چھپانے کی ملکی تاریخ میں کوئی مثال ہے، نہ ہو گی: طلال چوہدری
پاکستان مسلم لیگ ن کے رہنما طلال چوہدری نے کہا ہے کہ بیٹی چھپانے کی ملکی تاریخ میں کوئی مثال ہے، نہ ہو گی، اپنی بیٹی کو نہ اپنانا انسانیت کی توہین ہے۔
ایک بیان میں طلال چوہدری نے عمران خان پر تنقید کرتے ہوئے کہا ہے کہ اپنی بیٹی کو کاغذات میں ظاہر نہ کرنے پر نااہل اب ایک ہی وزیرِ اعظم ہو گا۔
انہوں نے کہا کہ ملک کی تاریخ میں گھڑی چوری اور فارن ایجنٹ وزیرِ اعظم نااہل ہو گا، پارٹی رجسٹریشن منسوخی اب صرف فارن فنڈڈ جماعت کی ہونی چاہیے۔
طلال چوہدری کا مزید کہنا ہے کہ عدالت پر حملہ، جج کو دھمکی دینا، عدالت کا گیٹ توڑنا، پولیس پر پیٹرول بم پھینکنا، فارن فنڈنگ سے پارٹی چلانا کس آرٹیکل کے نیچے آتا ہے؟
مسلم لیگ ن کے رہنما نے یہ بھی کہا کہ پارٹی رجسٹریشن پولیس پر پیٹرول بم پھینکنے والی دہشت گرد جماعت کی منسوخ ہونی چاہیے، فارن ایجنٹ، جھوٹا، دہشت گرد اور مجرم پارٹی کے فیصلے کر رہا ہے۔
Comments are closed.