تیسرا ٹی20: افغانستان کا پاکستان کیخلاف ٹاس جیت کر بولنگ کا فیصلہ

سیریز کے تیسرے اور آخری ٹی ٹوئنٹی میچ میں افغانستان نے پاکستان کے کلاف ٹاس جیت کر پہلے بولنگ کرنے کا فیصلہ کرلیا۔ 

شارجہ کرکٹ اسٹیڈیم میں سیریز کا آخری میچ کھیلا جارہا ہے۔ سیریز میں افغانستان ٹیم کو پہلے ہی 0-2 کی فیصلہ کن برتری حاصل ہے۔ 

پاکستان ٹیم میں دو تبدیلیاں کی گئی ہیں، جہاں اعظم خان کی جگہ افتخار احمد اور نسیم شاہ کی جگہ پر محمد وسیم کو ٹیم میں شامل کیا گیا ہے۔ 

شاداب خان کی کپتانی میں میدان میں اترنے والی پاکستان ٹیم محمد حارث، صائم ایوب، محمد نواز، افتخار احمد، عبداللّٰہ شفیق، طیب طاہر، عماد وسیم، احسان اللّٰہ، محمد وسیم اور زمان خان پر مشتمل ہے۔ 

سیریز میں وائٹ واش کی خواہش لیے میدان میں آنے والی افغان ٹیم کی قیادت راشد خان کر رہے ہیں۔ 

دیگر کھلاڑیوں میں عثمان غنی، رحمان اللّٰہ گرباز، ابراہیم زادران، صدیق اللّٰہ اتل، نجیب اللّٰہ زادران، محمد نبی، کریم جنت، مجیب الرحمان، فضل حق فاروقی اور فرید احمد ملک شامل ہیں۔

بشکریہ جنگ