کراچی: منگھوپیر میں شہریوں کے تشدد سے مبینہ ڈاکو ہلاک

کراچی غربی کے علاقے منگھو پیر میں ایک واردات کے دوران شہریوں کے تشدد سے مبینہ ڈاکو ہلاک ہو گیا۔

پولیس کے مطابق منگھو پیر کے نواحی علاقے زیبو گوٹھ میں مسلح ملزمان لوٹ مار کر رہے تھے کہ شہریوں نے 22 سالہ ملزم عزیز ولد عاشق کو پکڑ لیا جبکہ اس کا ساتھی فرار ہو گیا۔

پولیس کے مطابق علاقہ مکینوں نے ملزم کے پکڑے جانے کی اطلاع مددگار 15 پولیس کو بھی دی۔

کراچی کے علاقوں کورنگی، اورنگی ٹاؤن اور گلستانِ جوہر میں فائرنگ، عوام کے تشدد اور پولیس مقابلے میں 3 ڈاکو ہلاک ہو گئے۔

پولیس کے پہنچنے سے قبل ہی مشتعل افراد نے ملزم کو اس قدر تشدد کا نشانہ بنایا کہ وہ موقع پر ہی ہلاک ہو گیا۔

ترجمان ایدھی فاؤنڈیشن کے مطابق مبینہ ملزم کی لاش بعد میں عباسی شہید اسپتال منتقل کر دی گئی۔

بشکریہ جنگ