حکومت کا پی ٹی آئی کی معاہدے کی خلاف ورزی پر کارروائی کا فیصلہ
وفاقی حکومت نے معاہدے کی خلاف ورزی کرنے پر پاکستان تحریک انصاف کے خلاف قانونی کارروائی کرنے کا فیصلہ کیا ہے۔
عمران خان کی جوڈیشل کمپلیکس اسلام آباد میں پیشی کے معاملے پر وفاقی حکومت نے معاہدے کی خلاف ورزی کرنے پر پی ٹی آئی کے خلاف قانونی کارروائی کا فیصلہ کیا۔
ذرائع کے مطابق وزارت داخلہ اور وفاقی پولیس کی جانب سے عدالت میں درخواست کی جائے گی۔
پی ٹی آئی نے 18 مارچ کو عمران خان کی پیشی کےلیے 15 نکاتی معاہدہ کیا تھا، جس میں سڑکیں بلاک نہ کرنے، املاک کو نقصان نہ پہنچانے سمیت دیگر نکات شامل تھے۔
ذرائع وزارت داخلہ کے مطابق پی ٹی آئی نے معاہدے کے تمام ہی نکات کی خلاف ورزی کی ہے۔
ذرائع کے مطابق پی ٹی آئی کے کارکنوں نے عمران خان کی پیشی کے موقع پر توڑ پھوڑ کی، جلاؤ گھیراؤ کیا اور پولیس پر حملے بھی کیے۔
بشکریہ جنگ
Comments are closed.