اسحاق ڈار نے موجودہ صورت حال کا ذمہ دار ایک مرتبہ پھر عمران خان کو قرار دے دیا

وفاقی وزیر خزانہ اسحاق ڈار نے ملک کی موجودہ صورت حال کا ذمہ دار ایک مرتبہ پھر سابق وزیراعظم عمران خان کو قرار دے دیا۔

اپنے بیان میں اسحاق ڈار نے کہا کہ عمران خان اس معاشی تباہی کے ذمے دار صرف اور صرف تم ہو، ‏تم نے تو پاکستان کو معاشی تباہی کے دہانے پر لا کر کھڑا کیا تھا۔

وزیرخزانہ نے مزید کہا کہ اللّٰہ نے پاکستان کی جان تم سے چھڑوا دی، تمہاری کی ہوئی تباہی کو ہم ٹھیک کرنے کی ہر ممکن کوشش کر رہے ہیں۔

اسحاق ڈار نے کہا کہ قوم کو جلد اچھی خبریں ملیں گی، ان شاءاللّٰہ۔

بشکریہ جنگ