پنجاب یونیورسٹی: 2 طلبا تنظیموں میں تصادم، فائرنگ اور لاٹھیوں کا استعمال

لاہور میں پنجاب یونیورسٹی میں دو طلبا تنظیموں میں جھگڑے کے بعد پولیس کی بھاری نفری موقع پر پہنچ گئی اور 40 سے زائد طلبا کو گرفتار کر لیا۔

پولیس کے مطابق دونوں گروپوں میں جھگڑے میں فائرنگ، لاٹھیوں اور پتھراؤ کا آزادانہ استعمال کیا گیا۔

انتظامیہ نے پولیس کو آگاہ کیا تو پولیس کی بھاری نفری موقع پر پہنچ گئی۔

پولیس نے دونوں اطراف کے 40 سے زائد طلبا کو گرفتار کر لیا۔

پولیس کے مطابق فائرنگ میں ملوث ملزم حسیب کو بھی گرفتار کر لیا گیا، جبکہ دونوں تنظیموں کے خلاف مقدمات درج کر لیے گئے ہیں۔

بشکریہ جنگ