دفاعی چیمپئن لاہور قلندرز کا اگلے میچ کیلئے تیاریوں کا آغاز

پاکستان سپر لیگ (پی ایس ایل) کی دفاعی چیمپئن لاہور قلندر نے اگلے میچ کے لیے تیاریوں کا آغاز کردیا۔

قذافی اسٹیڈیم میں لاہور قلندرز کے کھلاڑیوں نے پہلے فزیکل ٹریننگ کی پھر جم کر نیٹ پریکٹس کی۔

کپتان شاہین شاہ آفریدی، حارث رؤف، راشد خان، فخر زمان، طاہر بیگ سمیت تمام ہی کھلاڑیوں نے ٹریننگ میں حصہ لیا۔

دوسرے مرحلے میں دفاعی چیمپئن لاہور قلندر اپنا چوتھا میچ پشاور زلمی کے خلاف اتور کو کھیلے گی۔ اب تک لاہور نے تین میچز میں سے دو میں کامیابی حاصل کی ہے۔

قذافی اسٹیڈیم میں میڈیا سے گفتگو میں نوجوان بیٹر طاہر بیگ نے کہا کہ کوچز کافی اعتماد دے رہے ہیں، شاہین آفریدی سمیت دیگر کھلاڑیوں سے بہت کچھ سیکھنے کا موقع مل رہا ہے۔

بشکریہ جنگ