کراچی میں موٹر سائیکلیں چُرانے والی لڑکی گرفتار

اب لڑکیاں بھی موٹرسائیکل چوری کرنے کی وارداتیں کرنے لگیں۔ کراچی کے علاقے اتحاد ٹاؤن میں پولیس نے لڑکوں کا روپ دھار کر موٹرسائیکلیں چوری کرنے والی لڑکی کو گرفتار کرلیا۔

ملزمہ کے قبضے سے ڈیفنس کے تھانے درخشاں کی حدود سے چوری کی گئی موٹرسائیکل ملی ہے۔

 اتحاد ٹاؤن کے علاقے سے پولیس نے لڑکوں کا روپ دھار کر موٹر سائیکلیں چوری کرنے والی لڑکی کو گرفتار کر لیا۔

 ملزمہ کی شناخت ثمرین عرف مشا ولد عاشق حسین کے نام سے ہوئی۔ ملزمہ لڑکوں کا روپ دھار کر مختلف علاقوں سے موٹرسائیکلیں چوری کرکے حب چوکی بلوچستان میں فروخت کرتی تھی۔

پولیس کا کہنا ہے کہ ملزمہ کے قبضے سے ڈیفنس، تھانہ درخشاں کی حدود سے چوری کی موٹرسائیکل ملی ہے۔

ملزمہ کو مزید تفتیش کیلئے اینٹی وہیکل لفٹنگ سیل کے حوالے کر دیا گیا۔

بشکریہ جنگ