رن آؤٹ ہونا ہمارے لیے اچھا نہیں رہا، کوچ کراچی کنگز

کراچی کنگز کے کوچ یوہان بوتھا نے جیمز ونس کے رن آؤٹ کو میچ کا ٹرننگ پوائنٹ قرار دیدیا۔

ملتان کرکٹ اسٹیڈیم میں ملتان سلطانز کے خلاف سنسنی خیز میچ میں کراچی کنگز کو 3 رنز سے شکست کا سامنا کرنا پڑا۔

میچ کے بعد پریس کانفرنس کرتے ہوئے کراچی کنگز کے کوچ کا کہنا تھا کہ رن آؤٹ ہونا ہمارے لیے اچھا نہیں رہا، ٹارگٹ کے مطابق رنز بن رہے تھے۔

ان کا کہنا تھا کہ کپتان عماد وسیم نے آخر میں شاندار کوشش کی۔

انہوں نے ملتان سلطانز کے فاسٹ بولر کی تعریف کرتے ہوئے کہا کہ احسان اللّٰہ تیز رفتاری سے بولنگ کر رہے ہیں۔ ان کےلیے نیک خواہشات ہیں۔

یوہان بوتھا کا کہنا تھا کہ ہم دو تین میچز بہت قریب جا کر ہارے، ابھی بھی تین میچ جیت لیتے ہیں تو مقابلے میں واپس آ سکتے ہیں۔

بشکریہ جنگ