ایشیا کپ کی میزبانی کے حوالے سے فیصلہ اگلے ماہ ہوگا

ایشیا کرکٹ کپ کے حوالے سے ایشین کرکٹ کونسل کا اہم اجلاس مارچ کے وسط میں ہوگا۔

بھارتی میڈیا کے مطابق اجلاس میں ایشیا کپ کی میزبانی کے حوالے سے فیصلہ ہوگا۔

اس حوالے سے بھارتی میڈیا کا کہنا ہے کہ ایشین کرکٹ کونسل کا اجلاس 14 یا 15 مارچ کو دبئی میں ہوگا۔

بھارتی میڈیا کے مطابق ایشیا کپ کی میزبانی پاکستان کے پاس ہے اور اے سی سی کی گزشتہ میٹنگ میں وینیو سے متعلق فیصلہ نہیں ہوسکا تھا۔

بھارتی میڈیا کی رپورٹ کے مطابق بھارتی کرکٹ بورڈ نے ایشیا کپ میں اپنے میچز یو اے ای میں کھیلنے کی تجویز دے دی۔

بھارتی میڈیا کے مطابق پاکستان کرکٹ بورڈ کا ایشیا کپ کی منتقلی کے بارے میں کوئی آپشن زیر غور نہیں۔

پی سی بی کا مؤقف ہے کہ ایشیا کپ کسی نیوٹرل وینیو پر منتقل نہیں ہوگا، تمام میچز پاکستان میں ہوں گے۔

بشکریہ جنگ