اقوام متحدہ کی سلامتی کونسل کا اسرائیلی منصوبے پر اظہار مایوسی

اسرائیل کی جانب سے مقبوضہ فلسطینی اراضی میں بستیوں کو قانونی حیثیت دینے کے منصوبے پر اقوام متحدہ کی سلامتی کونسل نے مایوسی کا اظہار کیا ہے۔

غیر ملکی خبر رساں ادارے کے مطابق امریکا سمیت سلامتی کونسل اراکین نے متفقہ بیان میں کہا ہے کہ ایسے اقدامات امن میں رکاوٹ پیدا کرتے ہیں۔

اقوام متحدہ کی سلامتی کونسل کا کہنا ہے کہ اسرائیلی آباد کاری سے دو ریاستی حل کو خطرہ ہے۔

دوسری جانب سے اسرائیل نے سلامتی کونسل کے بیان کو یک طرفہ قرار دے کر اس کی مذمت کی ہے۔

اسرائیلی وزیرِ اعظم نے کہا ہے کہ ایسا نہیں ہونا چاہیے تھا، امریکا کو کبھی اس میں شامل نہیں ہونا چاہیے تھا۔

بشکریہ جنگ