کراچی میں رات گئے اسنیپ چیکنگ، 3 مقدمات درج

کراچی کے مختلف علاقوں گلبہار، رضویہ اور نیو کراچی میں رات گئے اسنیپ چیکنگ سخت کر دی گئی۔

اسنیپ چیکنگ کے دوران اسلحہ کی نمائش اور فینسی نمبر پلیٹ گاڑیوں کے خلاف کارروائی کی گئی اور 14 افراد کو حراست میں لے کر 3 مقدمات درج کیے گئے۔

پولیس کے مطابق 60 موٹر سائیکلوں سے فینسی نمبر پلیٹیں اتاری گئیں، جبکہ کالے شیشے والی 3  گاڑیوں کے خلاف بھی کارروائی کی گئی۔

واضح رہے کہ حالیہ دہشت گردی کے واقعے کے بعد شہر بھر میں سیکیورٹی سخت کردی گئی۔

ریلوے اسٹیشنز پر پولیس اہلکاروں کے ساتھ بم ڈسپوزل اسکواڈ کا عملہ بھی تعینات ہے۔

بشکریہ جنگ