سعودی عرب جانے والوں کیلئے نئی ایڈوائزری، خلاف ورزی پر سخت کارروائی

سعودی عرب جانے والے مسافروں اور ایئرلائنز کے لیے نئی ایڈوائزری جاری کردی گئی۔ 

سعودی ایوی ایشن اتھارٹی کی جانب سے جاری نوٹیفکیشن کے مطابق ایسے مسافر جن کے پاسپورٹ کی میعاد ختم ہوگئی، انہیں سفر کےلیے بورڈنگ نہ دی جائے۔

سعودی ایوی ایشن کے مطابق مطابق پاسپورٹ کی میعاد ختم ہونے کے باوجود ایئرلائنز نے مسافروں کو بورڈنگ دی۔

نوٹیفکیشن کے مطابق ایسے مسافروں کو بھی بورڈنگ نہ دی جائے جن کے پاسپورٹ کی میعاد مینوئل طریقے سے بڑھائی گئی ہو۔

سعودی ایوی ایشن کا کہنا ہے کہ ہدایات پر عمل درآمد نہ کرنے والی ایئرلائنز کے خلاف سخت قانونی کارروائی ہوگی۔

بشکریہ جنگ