مبینہ منی لانڈرنگ: فرح گوگی اور احسن جمیل گجر کو نوٹس جاری

وفاقی تحقیقاتی ادارے (ایف آئی اے) نے مبینہ منی لانڈرنگ میں عمران خان کی اہلیہ بشریٰ بی بی کی دوست فرح گوگی اور ان کے شوہر احسن جمیل گجر کو نوٹس جاری کردیے۔

ایف آئی اے لاہور نے سابق خاتون اوّل کی سہیلی فرح گوگی اور ان کے شوہر احسن جمیل گجر کو اینٹی منی لانڈرنگ کے الزام میں 17 فروری کو طلب کر لیا۔ اس سلسلے میں ان کی رہائش گاہ پر نوٹس جاری کر دیے گئے ہیں.

 احسن جمیل گجر کو جاری نوٹس میں کہا گیا ہے کہ وہ اسٹیٹ بینک کی جانب سے مشکوک ٹرانزیکشن رپورٹس کی تفصیلات کی روشنی میں اپنا موقف ایف آئی اے کے روبرو پیش کریں۔

بشکریہ جنگ